سونا آج پھر سے مہنگا ہوگیا

کراچی: آج کاروباری روز کے دوران ملک میں سونے کی قیمت مزید بڑھ گئی۔

ذرائع کے مطابق آل پاکستان جیمز اینڈ جیولرز ایسوسی ایشن کا کہنا ہے کہ آج سونے کی فی تولہ قیمت میں ایک ہزار روپے کا اضافہ ہوا جس کے بعد ملک میں سونے کی فی تولہ قیمت 3 لاکھ 9 ہزار روپے کی بلند ترین سطح پر پہنچ گئی۔

ایسوسی ایشن کے مطابق ملک میں 10 گرام سونے کی قیمت بھی 857 روپے اضافے کے بعد 2 لاکھ 64 ہزار 917  روپے ہے۔

دوسری جانب عالمی بازار میں بھی سونے کی قیمت 9 ڈالر اضافے سے 2 ہزار 953 ڈالر فی اونس ہے۔