سونا تاریخ کی بلند ترین سطح پر پہنچ گیا

کراچی: ملک بھر میں آج کاروباری روز کے دوران سونا تاریخ کی بلند ترین سطح پر پہنچ گیا۔

آل پاکستان جیمز اینڈ جیولر ایسوسی ایشن کا اپنے بیان میں کہنا ہے کہ ملک بھر میں سونے کی قیمت میں 4700 روپے کا اضافہ  دیکھا گیا ہے جس کے بعد فی تولہ سونے کی قیمت 3 لاکھ 91 ہزار روپے ہوگئی ہے۔

ایسوسی ایشن کے مطابق اسی طرح 10 گرام سونے کی قیمت 4  ہزار 30 روپے بڑھ کر 3 لاکھ 35 ہزار 219 روپے ہوگئی ہے۔

دوسری جانب عالمی بازار میں سونے کی قیمت 49 ڈالر اضافے سے 3692 ڈالر فی اونس ہے۔