سونے کی فی تولہ قیمت میں 300 روپے کمی

عالمی اور مقامی مارکیٹ میں سونے کی قیمت میں کمی ہوئی ہے۔

تفصیلات کے مطابق بین الاقوامی بلین مارکیٹ میں فی اونس سونے کی قیمت 3ڈالر کی کمی سے 3ہزار 397ڈالر کی سطح پر آنے کے باعث مقامی صرافہ مارکیٹوں میں بھی ہفتے کو سونے کی قیمتوں میں کمی کا رحجان رہا۔

مقامی سطح پر 24 قیراط کا حامل فی تولہ سونے کی قیمت 300روپے کی کمی سے 3 لاکھ 62 ہزار 400 روپے کی سطح پر آگئی، اسی طرح فی دس گرام سونے کی قیمت بھی 257روپے گھٹ کر 3لاکھ 10ہزار 699روپے کی سطح پر آگئی۔

دوسری جانب فی تولہ چاندی کی قیمت 9روپے کی کمی سے 4ہزار 064روپے اور دس گرام چاندی کی قیمت بھی 7روپے کی کمی سے 3ہزار 484روپے کی سطح پر آگئی۔