سونے کی قیمت میں اضافے کا سلسلہ جاری

تازہ ترین اطلاعات کے مطابق ملک میں سونے کی قیمت میں کمی کا سلسلہ تھم گیا اور سونے کی فی تولہ قیمت میں یکدم ہزاروں روپے کا اضافہ ہوگیا۔

ملک میں سونے کی قیمت میں بڑا اضافہ سامنے آیا ہے، آل پاکستان جیمز اینڈ جیولرز ایسوسی ایشن کے مطابق فی تولہ قیمت ساڑھے 2ہزار 2سو روپے بڑھ گئی جس کے بعد فی تولہ سونا 2 لاکھ8 ہزار 500 روپے کا ہوگیا۔

اس کے علاوہ 10 گرام سونے کے بھاؤ میں 1886 روپے کا اضافہ ریکارڈ کیا گیا جس کے بعد 10 گرام سونے کی قمیت ایک لاکھ 78 ہزار روپے سے زائد ہوگئی ہے۔

دوسری جانب عالمی مارکیٹ میں سونے کی قیمت میں 27 ڈالر کا اضافہ ہوا اور سونا 1999ڈالر فی اونس ہوگیا۔