سونے کی قیمت میں مسلسل کمی کے بعد آج بڑا اضافہ

کراچی: ملک میں کاروباری روز کے دوران سونے کی فی تولہ قیمت میں کئی روز کی کمی کے بعد آج سیکڑوں روپے کا اضافہ ریکارڈ کیا گیا ہے۔

آج پاکستان جیمز اینڈ جیولرز ایسوسی ایشن کا کہنا ہے کہ فی تولہ سونے کی قیمت میں 1500روپے بڑھ کر3 لاکھ ایک ہزار 500 روپے ہو گئی ہے۔

ایسوسی ایشن کا کہنا ہے کہ 10 گرام سونے کی قیمت بھی 1286 روپے بڑھ کر2 لاکھ 58 ہزار487 روپے ہو گئی ہے۔

بین الاقوامی مارکیٹ میں سونے کی قیمت 12 ڈالر اضافے سے 2869 ڈالر فی اونس ہے۔

واضح رہے کہ پاکستان میں گزشتہ کاروباری ہفتے کے دوران سونے کی قیمت میں مسلسل 5 روز کمی دیکھنے میں آئی تھی۔