سونے کی قیمت میں یک دم ہزاروں کا اضافہ

سونے کی قیمت میں ایک بار پھر 2 ہزار روپے سے زائد اضافہ ہوگیا۔

تفصیلات کے مطابق بین الاقوامی بلین مارکیٹ میں فی اونس سونے کی قیمت میں 21 ڈالر کا اضافہ ہوا، جس کے بعد قیمت 2622ڈالر کی سطح پر آ گئی۔

عالمی مارکیٹ میں اضافے کی وجہ سے پاکستان کے مقامی صرافہ بازاروں میں ہفتے کو فی تولہ سونے کی قیمت میں 2100 روپے کا اضافہ ہوا اور قیمت 2 لاکھ 73 ہزار 400 روپے کی سطح پر پہنچ گئی۔

اسی طرح فی تولہ سونے کی قیمت 1800 روپے اضافے سے 2 لاکھ 34 ہزار 396 روپے کی سطح پر پہنچ گئی۔

اس کے برعکس فی تولہ چاندی کی قیمت بغیر کسی تبدیلی کے 3350روپے اور 10گرام چاندی کی قیمت بھی  2872.08روپے کی سطح پر مستحکم رہی۔