سونے اور چاندی کی قیمت مزید بڑھ گئی

پاکستان میں ہفتے کے روز بھی فی تولہ سونے کی قیمت میں ساڑھے تین ہزار روپے کا مزید اضافہ ریکارڈ کیا گیا ہے۔

تفصیلات کے مطابق عالمی مارکیٹ میں سونے کی فی اونس قیمت میں 53 ڈالر اضافے کے بعد قیمت 4 ہزار 218 ڈالر فی اونس پر پہنچ گئی۔

عالمی مارکیٹ میں سونے کی قیمت میں اضافے کی وجہ سے پاکستان میں فی تولہ سونے کی قیمت میں 5 ہزار 300 روپے کا اضافہ ہوا۔

حالیہ اضافے کے بعد فی تولہ سونے کی قیمت 4 لاکھ 44 ہزار 162 روپے پر پہنچ گئی اسی طرح فی دس گرام کی قیمت 4 ہزار 544 روپے کا اضافہ ہوا جس کے بعد نئی قیمت تین لاکھ 80 ہزار 799 روپے ہوگئی۔

اسی طرح چاندی کی قیمت بھی عالمی سطح پر 56.37 ڈالر بڑھی جس کے باعث مقامی مارکیٹ میں فی تولہ چاندی کی قیمت 267 روپے بڑھی جس کے بعد فی تولہ چاندی 5 ہزار 909 روپے تک پہنچ گئی۔

جبکہ دس گرام چاندی کی قیمت 219 روپے اضافے کے بعد 5 ہزار 66 روپے پر پہنچ گئی۔