آئی ایم ایف کا وفاق اور صوبوں کی معاشی کارکردگی پر اظہار اطمینان

عالمی مالیاتی فنڈ (آئی ایم ایف) نے صوبائی حکومتوں سے ورچوئلی مذاکرات کے بعد وفاق اور صوبوں کی معاشی کارکردگی پر اظہار اطمینان کر دیا ہے۔

ذرائع کے مطابق آئی ایم ایف وفد نے آئندہ بجٹ اخراجات پر صوبوں کے ساتھ ورچوئلی مذاکرات کیے اور کارکردگی جانچنے کے بعد اس پر اطمینان کا اظہار کیا۔

آئی ایم ایف نے مذاکرات میں میں مطالبہ کیا ہے کہ صوبے یکم جولائی سے زرعی آمدن پر انکم ٹیکس، ترقیاتی منصوبوں کیلئے فنڈ خود اکٹھے کریں۔

ذرائع کے مطابق خیبرپختونخوا، بلوچستان سمیت صوبائی حکومتوں سے آئندہ بجٹ کے اخراجات پر کہا گیا ہے کہ نئے بجٹ کے ساتھ زرعی آمدن پر انکم ٹیکس جمع کرنے پر کوئی چھوٹ نہیں ہو گی۔

ذرائع کے مطابق صوبے ترقیاتی منصوبوں پر اخراجات کیلئے وفاق پر انحصار ختم کریں۔ آئی ایم ایف وفاق اور صوبوں کی معاشی کارکردگی سے مطمئن ہے۔

ذرائع کے مطابق آئی ایم ایف کو صوبوں نے آئندہ مالی سال سرپلس کی یقین کرائی ہے آئی ایم ایف وفد بجٹ پر مذاکرات کیلئے کل پاکستان پہنچ جائے گا۔

ذرائع کے مطابق وفد وزارت خزانہ، پلاننگ کمیشن، ایف بی آر اور اسٹیٹ بینک حکام سے بات کرے گا۔