عالمی مقابلہ قرأت کا فاتح پاکستان کا ننھا قاری، حافظ ابوبکر

پاکستان سے تعلق رکھنے والے 12 سالہ ابوبکر نے عالمی مقابلہ حسن قرأت برائے 2024 میں پہلی پوزیشن حاصل کی۔

ابوبکر کا تعلق پاکستان کے صوبہ خیبرپختونخوا کے علاقے مانسہرہ کے شہر اوگئی سے ہیں۔

ایران اور عراق میں ہونے والے مقابلوں میں دنیا بھر سے بچوں نے حصہ لیا اور اپنی سحر انگیز قرأت سے سب کو حیران کیا۔

مسحور کن آواز، خوبصورت ادائیگی اور تجوید پر کمانڈ رکھنے کیوجہ سے ابوبکر کو مقابلے کا فاتح قرار دیا گیا۔

ابوبکر کی پاکستان واپسی دو روز قبل ہوئی، فاتح بن کر واپس آنے اور حسن قرأت میں پاکستان کا نام دنیا بھر میں روشن کرنے کی وجہ سے ان کا پرتپاک استقبال بھی کیا گیا۔

ننھے قاری نے اپنی فتح کو والدین اور اساتذہ کے نام کرتے ہوئے کہا ہے کہ یہ سب اُن کی دعاؤں اور محنت کی وجہ سے ہی ممکن ہوا۔