ڈونلڈ ٹرمپ نے عہدہ صدارت کا حلف اٹھالیا

نومنتخب امریکی صدر ڈونلڈ ٹرمپ نے عہدہ صدارت کا حلف اٹھالیا،امریکی سپریم کورٹ کے چیف جسٹس جان رابرٹس نے ٹرمپ سے عہدے کا حلف لیا۔

غیر ملکی ذرائع ابلاغ کے مطابق ٹرمپ نے تقریب سے پہلے وائٹ ہاؤس میں صدر بائیڈن سے ملاقات کی، ٹرمپ اپنی اہلیہ میلانیا ٹرمپ کے ساتھ واشنگٹن کے چرچ میں دعائیہ سروس میں بھی شریک ہوئے۔

تقریب حلف برداری میں پاکستان کی کئی سیاسی شخصیات اور پاکستانی امریکن نے بھی شرکت کی، چین کے نائب صدر نے اپنے ملک کی نمائندگی کی،اس کے علاوہ جاپان، بھارت، آسٹریلیا کے وزرا خارجہ بھی حلف برداری میں شریک ہوئے۔

گوگل کیسی ای او سندرپچائی، میٹا کے سی ای او مارک زکربرگ اور ٹک ٹاک کے سی ای او شو چیو بھی تقریب حلف برداری میں شرکت کرنے والوں میں شامل تھے۔

رپورٹس کے مطابق واشنگٹن ڈی سی میں شدید سردی کے باعث 40 سال بعد حلف برداری کی تقریب ان ڈور منعقد کی گئی،  حلف برداری سے قبل کیپٹل ون ایرینا میں ٹرمپ کی جیت کی خوشی میں ریلی کا بھی انعقاد کیا گیا۔