گرمی شروع ہوتے ہی بجلی کی پیداوار کم، 14 گھنٹے تک لوڈشیڈنگ

اسلام آباد: ملک بھر میں گرمی کا آغاز ہوتے ہی بجلی کی پیداوار کم جبکہ استعمال بڑھ گیا ہے جس کے باعث  بجلی کا شارٹ فال 5 ہزار845 میگاواٹ تک پہنچ گیا۔

وزارت توانائی کے مطابق  بجلی کی طلب 24 ہزار 500 میگاواٹ جبکہ پیدوار 18 ہزار 665 میگاواٹ ہے۔ کم پیداوار کی وجہ سے سسٹم میں شارٹ فال ہے جس کے باعث دیہی علاقوں میں 6 سے 8 گھنٹوں کے جبکہ شہری علاقوں میں لوڈشیڈنگ کا دورانیہ 4 سے 6 گھنٹے تک  پہنچ گیا۔

 لائن لاسز والے علاقوں میں 12 سے 14 گھنٹے کی لوڈ شیڈنگ کی جارہی ہے۔ شدید گرمی میں بجلی کی عدم فراہمی سے شہریوں کو سخت مشکلات کا سامنا ہے۔