جنسی زیادتی کا نشانہ بننے والی ذہنی معذور بچی دوران علاج چل بسی

لاڑکانہ میں جنسی زیادتی کا نشانہ بننے  والی ذہنی معذور بچی دوران علاج چل بسی، جب کہ ملزم پولیس کارروائی کے دوران ہلاک ہو گیا۔

ذرائع کے مطابق پولیس کا کہنا ہے کہ رتو ڈیرو کے علاقے میں گزشتہ روز 12 سالہ ذہنی معذور بچی کے ساتھ 3افراد نے جنسی زیادتی کی تھی۔

زیادتی کا شکار بچی آج صبح ٹراما سینٹر میں دوران علاج دم توڑ گئی جب کہ اسی دوران پولیس نے زیادتی میں ملوث ملزمان کے خلاف کارروائی کی۔

کارروائی کے دوران مرکزی ملزم اپنے ساتھیو ں کی فائرنگ سے جاں بحق ہوگیا جب کہ ملزم کے 2 ساتھی فرار ہوگئے۔

ایس ایس پی لاڑکانہ کے مطبق فرار ملزمان کی گرفتاری کے لیے چھاپے مارے جا رہے ہیں۔