لاہور میں سیکیورٹی گارڈز نے فائرنگ کرکے پالتو شیر مار ڈالا

لاہور کے علاقے ہربنس پورہ میں ایک رہائشی سوسائٹی میں گھومتے پالتو شیر کو سیکیورٹی گارڈز نے گولی مار کر ہلاک کر دیا۔

پولیس کے مطابق ہربنس پورہ میں ہائوسنگ سکیم کا رہائشی علی عدنان شیر کو اپنی گھر میں پال رہا تھا۔ شیر اپنے گھیرے سے بھاگ کر سڑک پر گھومنے لگا، جس سے مقامی لوگوں میں خوف و ہراس پھیل گیا۔

خوفزدہ شہریوں نے فوری طور پر ایمرجنسی ہیلپ لائن کے ذریعے پولیس کو واقعے کی اطلاع دی۔

اس دوران ہائوسنگ سکیم کے سکیورٹی گارڈز نے فائرنگ کر دی جس سے شیر ہلاک ہو گیا۔

اطلاع ملنے پر پولیس اور جنگلی حیات کے اہلکار جائے وقوعہ پر پہنچ گئے۔ حکام کی جانب سے مزید تفتیش جاری ہے۔