لارڈز کرکٹ گراؤنڈ میں پی ایس ایل کا کامیاب ترین روڈ شو

لندن:پی ایس ایل 11 کی اونچی اڑان،گوروں کے دیس میں میلہ لوٹ لیا،تاریخ میں پہلی بار تاریخی لارڈز کرکٹ گرانڈ میں پی ایس ایل کا کامیاب ترین روڈ شوہوا ،لندن روڈ شو میں بڑی تعداد میں سرمایہ کاروں نے شرکت کی ۔

سرمایہ کاروں نے 2 نئی ٹیمیں خریدنے میں گہری دلچسپی کااظہارکیا جس پر چیئرمین پی سی بی محسن نقوی نے پی ایس ایل لندن روڈ شو کی کامیابی پر اظہار تشکر کیا ۔

چیئرمین پی سی بی محسن نقوی نے لارڈز کرکٹ سٹیڈیم کی انتظامیہ کا بھی شکریہ ادا کیا۔ محسن نقوی نے کہاکہ پی ایس ایل 11 کی 2 ٹیموں کی خریداری میں سرمایہ کاروں کی دلچسپی انتہائی مثبت اور خوش آئند ہے۔

 انہوں نے کہاکہ ہم پی ایس ایل کو بڑا انٹرنیشنل برانڈ بنانے کے لئے پر عزم ہیں۔ انہوں نے کہا کہ یہ سنگ میل صرف پی سی بی کا نہیں بلکہ پرامن اور کھیلوں سے محبت کرنے پاکستان کے لئے اعزاز ہے۔