مسجد الحرام میں نکاح؛ کبری خان نے ناقدین کے منہ بند کردیئے

کبری خان اور گوہر رشید کو مسجد الحرام میں نکاح کرنے پر سوشل میڈیا پر تنقید کا نشانہ بنایا جا رہا تھا جس پر اداکارہ ناقدین کی بولتی بند کردی۔

سوشل میڈیا کا مزاج بن چکا ہے ہر اچھی یا بری چیز میں تمیز کیے بغیر اس پر تنقید شروع کردی جاتی ہے، جب بات کسی مشہور اداکارہ کی ہو تو اس میں مزید تیزی آجاتی ہے۔

ایسا ہی کچھ کبری خان اور گوہر رشید کے ساتھ ہوا جن کا حال ہی میں مسجد الحرام میں نکاح ہوا جس میں دونوں نہایت حسین نظر آئے۔

شادی کی دیگر تقریبات کا سلسلہ نکاح کے بعد بھی جاری ہے جس میں روایتی رسوم و رواج اور گانے اور رقص کا بھی اہتمام کیا گیا ۔

جس پر متعدد صارفین نے کہا کہ مسجد الحرام میں نکاح کے بعد ایسی فضول تقریبات کرنا مناسب نہیں۔

کبری خان جو اپنی شادی کی ہر تقریب کی ویڈیو مداحوں سے شیئر کرتی ہیں نے انسٹاگرام پر کسی کا نام لیے بغیر ایک اسٹوری شیئر کی ہے۔

جس میں ایک حدیث سے اپنی بات شروع کرتے ہوئے اداکارہ نے لکھا کہ اعمالوں کا دارومدار نیتوں پر ہوتا ہے۔ یہ اسلام کی خوبصورتی ہے کہ نیت دیکھی جاتی ہے، جب آپ کے اعمال کو لوگ غلط سمجھیں اللہ آپ کی نیت کی بنیاد پر آپ کو اجر دیتا ہے۔