مصری نوجوان کی اپنی تین محبوباؤں کے ساتھ انوکھی شادی کے چرچے

مصر میں شادی کی ایک ایسی تقریب کے خوب چرچے ہورہے ہیں، جس میں دلہا ایک تھا اور دلہنیں تین تھیں، سب اپنی شادی میں بہت خوش نظر آرہے تھے۔

عرب میڈیا کی رپورٹس کے مطابق اس انوکھی شادی کی تقریب کی ویڈیو سوشل میڈیا پر خود نوجوان دلہا نے شیئر کیا۔ تینوں دلہنیں ایک ہی پارلر سے تیار ہوئیں اور ایک جیسا ہی لباس پہنا۔

دلہنوں کے نام اسما، بوسی اور امیرہ ہیں اور ان تینوں سے محبت کرنے والے لڑکے محمد نے تینوں کو ہی اپنی شریک حیات بنانے کا فیصلہ کیا۔

اُن کا کہنا تھا کہ ان کی پہلی محبت امیرہ ہیں جو پڑوسن بھی ہیں لیکن پھر مجھے بوسی سے بھی محبت ہوگئی اور ان دونوں کے ہوتے ہوئے اسما بھی مجھے پسند آگئی۔

دلہا کے مطابق میرے لیے یہ ممکن نہیں تھا کہ ان میں سے کسی ایک کے بغیر بھی رہ سکوں اس لیے میں نے تینوں کو راضی کرلیا۔

شادی کی یہ انوکھی تقریب دارالحکومت شبرا الخیمہ میں منعقد کی گئی تھی۔