سعودی ولی عہد کے قافلے پر قاتلانہ حملے کی حقیقت سامنے آگئی

سعودی ولی عہد شہزادہ محمد بن سلمان پر مبینہ طور پرہونے والے قاتلانہ حملے کے حوالے سے سوشل میڈیا پلیٹ فارمز پر طوفان برپا ہوگیا ہے۔

اس حوالے سے افوہیں تیزی سے ایکس سابقہ ٹوئٹر پر پھیل گئیں، جس میں دعویٰ کیا جارہا ہے کہ سعودی ولی عہد اور دیگر اعلی حکام کو لے جانے والے بھاری ہتھیاروں سے لیس سیکیورٹی قافلے پر ریاض میں حملہ ہوا تھا۔

بی بی سی کے صحافی شایان نے ان دعوئوں کو "مکمل طور پر بے بنیاد" قرار دیا۔ ایکس پر ایک پوسٹ میں، انہوں نے اس مسئلے کو حل کرتے ہوئے کہا، "سعودی ولی عہد شہزادہ محمد بن سلمان پر قاتلانہ حملے کے بارے میں ایک مکمل طور پر بے بنیاد دعویٰ X پر وائرل ہو رہا ہے ۔

جب کہ جعلی اکائونٹس اور غلط معلومات پھیلانے والوں کی طرف سے توجہ حاصل کرنے کی کوشش کی جارہی ہے، انہوں نے کہا کہ کئے جانے والے بے بنیاد دعوئوں کے حوالے سے کسی کے پاس کوئی ثبوت نہیں ہے۔