صوابی: خاتون کے ہاں بیک وقت چار بچوں کی پیدائش

صوابی کے باچا خان میڈیکل کمپلیکس میں ایک خاتون کے ہاں بیک وقت چار بچوں کی پیدائش ہوئی ہے۔

تفصیلات کے مطابق ترجمان باچا خان میڈیکل کمپلیکس رحم خان کا اس حوالے سے کہنا ہے کہ 4 بچوں میں 2 بیٹے اور 2 بیٹیاں شامل ہیں،ماں اور بچے دونوں صحت مند ہیں جبکہ بچوں کے والدین کا تعلق گاں سلیم خان سے ہے۔

رپورٹس کے  مطابق انچارج نیونٹل کیئر یونٹ ڈاکٹر عنایت اللہ کے مطابق بچوں کی پیدائش بغیر آپریشن (نارمل ڈیلیوری)کے ہوئی،چاروں بچے صحت مند اور تندرست ہیں۔

بچوں کے والد کے مطابق ایک ساتھ چار بچوں کی پیدائش پر بیحد خوش ہوں،اسپتال کے انتظامیہ اور ڈاکٹرز کا خصوصی شکریہ ادا کرتا ہوں۔