ٹی ٹوئنٹی ورلڈ کپ: بھارت کا آئرلینڈ کے خلاف ٹاس جیت کر فیلڈنگ کا فیصلہ

بھارت نے آئی سی سی مینز ٹی ٹوئنٹی ورلڈکپ کے آٹھویں میچ میں آئرلینڈ کے خلاف ٹاس جیت کر بائولنگ کا فیصلہ کیا ہے۔

بھارت کے کپتان روہت شرما نے نیویارک کے نسا کانٹی میدان میں کھیلے جارہے گروپ اے کے میچ میں ٹاس جیت کر آئرلینڈ کو پہلے بیٹنگ کی دعوت دے دی۔

رواں ورلڈکپ میں دونوں ٹیمیں اپنا پہلا میچ کھیل رہی ہیں۔

یاد رہے کہ امریکا اور ویسٹ انڈیز میں ہونے والے آئی سی سی ٹی ٹوئنٹی ورلڈکپ میں 20 ٹیمیں زور آمائی کریں گی، 9 وینیوز پر مجموعی طور پر 55 میچز کھیلے جائیں گے۔

پاکستان ایونٹ میں اپنا پہلا میچ 6 جون کو میزبان امریکا کے خلاف کھیلے گا جبکہ پاکستان روایتی حریف بھارت سے 9جون کو ٹکرائے گا۔