بھارتی اداکارہ 10 کروڑ روپے دے کر ہندو پنڈت بنیں؟ حقیقت جانیے

بھارت کی مشہور اداکارہ ممتا کلکرنی نے کمبھ میلے میں اپنی بقیہ زندگی کو مذہبی طریقے سے طے کرنے کا فیصلہ کیا اور پھر وہ ہندو پنڈت بن گئیں۔

انہوں نے کمبھ میلے میں شرکت کے بعد سینئر پنڈتوں اور گرو سے ملکر سنیاس بھی لیا تھا۔ 

معاملہ کیا ہے؟

پنڈت بننے کے بعد ممتا کلکرنی پر نہ صرف تنقید کی گئی بلکہ الزام عائد کیا گیا کہ انہوں نے دس کروڑ روپے ادا کر کے سنیاس لیا ہے۔

حقیقت کیا ہے؟

سابق اداکارہ ممتا کلکرنی نے 10 کروڑ کے عوض مذہبی عہدہ ’ماہا منڈلیشور‘ حاصل کرنے کی افواہوں کو مسترد کر دیا۔

انہوں نے حالیہ انٹرویو میں کہا کہ میرے پاس تو ایک کروڑ روپے نہیں تو پھر دس کروڑ کہاں سے ادا کروں گی۔ یہ سوچنا بھی غلط ہے کہ میں نے دس کروڑ روپے ادا کیے اور ماہا منڈا لیشور بنی۔

سابق اداکارہ نے اعتراف کیا کہ انہوں نے کسی سے ادھار لے کر اپنے گرو کو 2 لاکھ روپے ادا کیے۔