داد بن چکا اب کیسے اہلیہ سے الگ ہوسکتا ہوں؟ فردوس جمال کا ردعمل

فردوس جمال نے اپنے بیٹے کی جانب سے جاری بیان پر ردعمل دیتے ہوئے کہا ہے کہ میں اب دادا بن چکا تو اہلیہ سے کیسے علیحدہ ہوسکتا ہوں۔

فردوس جمال نے اپنے بیٹے کی جانب سے کیے جانے والے والدہ کے خلع لینے کے دعوے کی تردید کی اور کہا کہ طلاق کی تردید کرتا ہوں اور یہ بے بنیاد بات ہے۔

انہوں نے کہا کہ میں اب دادا بن چکا ہوں تو اہلیہ سے کیسے علیحدگی اختیار کرسکتا ہوں۔ انہوں نے کہا کہ ان کے بیٹے کے طلاق سے متعلق بیان میں کوئی صداقت نہیں ہے۔

واضح رہے کہ اس سے قبل فردوس جمال کے بیٹے نے ایک ویڈیو پیغام میں اپنے والد کے حوالے سے ایک نیا پینڈورا باکس کھولتے ہوئے کہا تھا کہ والدہ نے تکالیف اور مصائب کے بعد بالاخر 35 سال بعد خلع لے لی ہے۔

انہوں نے اپنے ویڈیو لاگ میں والدہ کی قربانیوں کا تذکرہ کرتے ہوئے والد کی جانب سے عائد الزامات کو رد کیا جبکہ فردوس جمال اور چچا پر گھر سے بے دخل کرنے کے الزامات بھی لگائے تھے۔