اداکارہ نشو کا بھی اپنے داماد ریمبو پر بڑا الزام

اداکارہ صاحبہ کی اہلیہ اور پاکستانی شوبز انڈسٹری کی اسٹار نشو بیگم نے اپنے داماد افضال المعروف ریمبو پر بڑا الزام عائد کردیا۔

انہوں نے انکشاف کیا کہ وہ گزشتہ 9 ماہ سے اپنی بیٹی سے نہیں ملیں اور اس کی وجہ صرف یہ ہے کہ اُن کا گھر بسا رہے۔ اداکارہ نے تاثر دیا کہ ریمبو کی جانب سے شاید بیٹی سے ملاقات پر پابندی ہے۔

نشو نے کہا کہ ہم ایک شہر میں رہتے ہوئے بھی 8 ماہ سے نہیں ملے جبکہ بیٹی نے والد سے ملاقات کے بعد مجھ سے ملنا چھوڑ دیا ہے۔ انہوں نے مبہم انداز میں بتایا ہے کہ بیٹی صاحبہ اور داماد سمجھتے ہیں کہ ان سے تعلق توڑ کر ہی ان کا گھر بسا رہے گا۔

نشو نے حال ہی میں ایک یوٹیوبر کو فون پر انٹرویو دیتے ہوئے انکشاف کیا کہ بیٹی صاحبہ اور داماد ریمبو نے انہیں یوٹیوب پر ویڈیوز بنانے سے منع کیا تھا لیکن انہوں نے ان کی بات نہ مانی، جس پر وہ ناراض ہوئے۔ اداکارہ کے مطابق بیٹی صاحبہ جب پہلی بار والد سے ملیں تو انہوں نے مذکورہ ملاقات کی ویڈیو سوشل میڈیا پر شیئر کی۔