دانیہ شاہ کا شادی کا ارادہ کرنے والی لڑکیوں کو اہم مشورہ، بڑے راز سے پردہ بھی اٹھا دیا

معروف اینکر پرسن اور سیاست دان عامر لیاقت کی تیسری سابق اہلیہ دانیہ شاہ نے خواتین کو اہم مشورے دے دیے۔

دانیہ شاہ نے حال ہی میں دیے گئے انٹرویو میں جلد یا تاخیر سے شادی کا ارادہ رکھنے والی خواتین کو مشورے دیے ہیں۔

دانیہ شاہ کی ازدواجی زندگی کا سفر

دانیہ شاہ کی ازدواجی زندگی کافی نشیب و فراز کا شکار رہی ہے۔ فروری 2022 میں انہوں نے 18 سال کی عمر میں عامر لیاقت حسین سے شادی کی، لیکن یہ رشتہ زیادہ دیر نہ چل سکا اور صرف تین ماہ بعد ہی انہوں نے تنسیخ نکاح کے لیے عدالت میں درخواست دائر کر دی۔ عامر لیاقت کے انتقال کے بعد انہوں نے حکیم شہزاد لوہا پاڑ سے دوسری شادی کی۔

خواتین کے لیے دانیہ شاہ کے اہم مشورے

ایک پوڈکاسٹ انٹرویو میں دانیہ شاہ نے شادی سے قبل ڈیٹنگ کرنے والی خواتین کو اہم نصیحتیں کیں۔ انہوں نے خواتین کو ایسے تعلقات سے گریز کرنے اور اپنی خودداری کو برقرار رکھنے کا مشورہ دیا۔ 

ان کا کہنا تھا کہ خواتین کو ایسے مرد سے شادی کرنی چاہیے جو عمر میں ان سے بڑا ہو اور ان کے جذبات اور حالات کو سمجھنے کی صلاحیت رکھتا ہو۔

اپنے تجربات کی روشنی میں دانیہ شاہ کے خیالات

دانیہ شاہ نے اپنے ذاتی تجربے پر بات کرتے ہوئے کہا کہ انہوں نے کم عمر مرد سے شادی اس لیے نہیں کی کیونکہ وہ ان کی ماضی کی زندگی کو قبول نہیں کر پاتا اور انہیں ذلیل و رسوا کر دیتا۔ 

انہوں نے مزید کہا کہ ان کے موجودہ شوہر، جو ان سے کافی بڑے ہیں، ہر مشکل گھڑی میں ان کا ساتھ دیتے ہیں اور ان کی خوشی کو ترجیح دیتے ہیں۔

ایک اچھے شوہر کی خصوصیات

دانیہ شاہ کے مطابق ایک اچھا شوہر وہی ہوتا ہے جو اپنی بیوی کا خیال رکھے، اس کی پسند نا پسند کا احترام کرے اور اس کے ساتھ مخلص رہے۔ ان کا ماننا ہے کہ ایک کامیاب ازدواجی زندگی کے لیے ضروری ہے کہ دونوں شراکت دار ایک دوسرے کو سمجھیں اور ان کا احترام کریں۔