ہانیہ عامر کا بنگلہ دیشی کلچر سے لطف اندوز ہونے کا منفرد انداز

پاکستانی اداکارہ ہانیہ عامر ان دنوں بنگلہ دیش کے حسین ماحول اور رنگا رنگ ثقافت سے لطف اندوز ہو رہی ہیں اور اپنی روزمرہ کی جھلکیاں سوشل میڈیا پر شیئر کر کے ایک بار پھر مداحوں کو متاثر کر رہی ہیں۔

اداکارہ کی شیئر کردہ تصاویر اور ویڈیوز میں انہیں کبھی مقامی کھانوں کا ذائقہ چکھتے، کبھی کتابوں کے ساتھ تنہائی کا لطف اٹھاتے اور کبھی تازہ پھولوں سے بال سنوارتے دیکھا جا سکتا ہے۔

ہانیہ کا یہ انداز مداحوں کو نہ صرف دلکش بلکہ خوشگوار بھی لگا۔

دلچسپ بات یہ ہے کہ ایک تصویر میں ہانیہ بنگلہ دیشی کرکٹ ٹیم کی جرسی پہنے ہوئے دکھائی دیں اور اپنی مسکراہٹ کے ساتھ ٹیم کے لیے سپورٹ کا پیغام بھی دیا۔

ان کا یہ کلچر فریینڈلی انداز سوشل میڈیا پر خوب پسند کیا جا رہا ہے۔

ہانیہ کی تازہ پوسٹس پر شوبز ستاروں اور مداحوں کی جانب سے محبت بھرے تبصرے جاری ہیں۔ کئی فنکاروں نے ان کی سادگی اور جاندار انداز کی تعریف کی، جبکہ مداحوں نے انہیں "کلچر سے جڑنے کا بہترین طریقہ" قرار دیا۔