کروڑں کا مالی فراڈ، کیس میں بڑی پیشرفت

اسلام آباد: وفاقی تحقیقاتی ادارے (ایف آئی اے) نے معروف ماڈل اور اداکارہ نادیہ حسین کے شوہر، عاطف خان کے خلاف مبینہ مالیاتی بے ضابطگیوں کی تحقیقات کا دائرہ مزید وسیع کر دیا ہے۔

ذرائع کے مطابق، ایف آئی اے نے انکشاف کیا ہے کہ عاطف خان نے **2016 سے 2023** کے درمیان 6 کروڑ 19 لاکھ روپے سے زائد کی رقم مختلف افراد کے بینک اکاؤنٹس میں منتقل کی۔ ان میں سے دو افراد کا تعلق سیکیورٹیز کمپنیز سے ہے جبکہ دیگر دو عام شہری بتائے گئے ہیں۔

ایف آئی اے نے مالیاتی لین دین سے جُڑے چار افراد کو آئندہ ہفتے بیانات ریکارڈ کرانے کے لیے نوٹسز جاری کرنے کا فیصلہ کیا ہے۔

عدیل ظفر ، گلنار خان ، ایم علی الدین صدیقی، نعیم انور  شامل ہیں۔

ایف آئی اے ان افراد سے منی ٹرانسفر سے متعلق تفصیلات حاصل کرے گا تاکہ رقم کی منتقلی کی نوعیت اور مقاصد کا تعین کیا جا سکے۔

اداکارہ نادیہ حسین بھی اس معاملے میں ایف آئی اے کے سامنے پیش ہو چکی ہیں اور اپنا ابتدائی بیان ریکارڈ کروا چکی ہیں۔ تاہم، اس مرحلے پر ان کے خلاف کسی قسم کی قانونی کارروائی کا اعلان نہیں کیا گیا۔

مزید تحقیقات جاری ہیں اور مستقبل میں مزید افراد کو شاملِ تفتیش کیے جانے کا امکان ظاہر کیا جا رہا ہے۔