کسی بھارتی چینل کو اپنے گانے استعمال کرنے کی اجازت نہیں دی، سجاد علی

پاکستان کے معروف گلوکار سجاد علی نے اپنے مقبول گیت ’راوی‘ ایک بھارتی ٹی وی ریئلٹی شو میں گاںے کے بعد کاپی رائٹ سے متعلق وضاحتی بیان جاری کر دیا۔

ان کا کہنا ہے کہ میں نے کسی بھی بھارتی ٹی وی چینل کو اپنے گانوں کے استعمال یا ان کے کاپی رائٹ سے متعلق کوئی اجازت نہیں دی۔

انہوں نے ان دعوؤں کی سختی سے تردید کرتے ہوئے کہا کہ وہ ہمارا گانا بغیر اجازت استعمال کر رہے ہیں، انہوں نے ہم سے اجازت لی اور نہ ہی کسی قسم کی منظوری حاصل کی، اب میری قانونی ٹیم اس معاملے میں متعلقہ چینل سے رابطہ کرے گی۔