ماہرہ خان نے بلال عباس کی گرل فرینڈ کا نام بتادیا

پاکستانی اداکارہ ماہرہ خان نے حال ہی میں ایک گیم شو کے دوران مزاحیہ انداز میں بلال عباس اور درفشاں سلیم کے تعلقات کا انکشاف کیا ہے۔

ماہرہ خان نے پروگرام کے ایک سیگمنٹ میں گیم کھیلتے ہوئے سوال کا جواب دیا کہ بلال عباس کے موبائل کا پاسورڈ اُس کی گرل فرینڈ کے نام سے ہوگا۔

اداکارہ یہ بات کہہ کر ہنس پڑیں جس پر میزبان نے اس نے اصرار کیا کہ وہ بلال عباس کی گرل فرینڈ کا نام بتائیں تو ماہرہ نے درفشاں سلیم کا نام لیا۔

یہ بات واضح نہیں ہے کہ ماہرہ خان نے کس تناظر میں اس بات کو بیان کیا تاہم اس انکشاف کے بعد مداح حیران ہیں۔

واضح رہے کہ بلال عباس اور درفشاں سلیم کی جوڑی کو بہترین جوڑیوں میں سے ایک سمجھا جاتا ہے اور اس سے قبل بھی دونوں کے تعلقات کے حوالے سے خبریں سامنے آچکی ہیں۔