پاکستانی خاتون مداح کی شاہ رخ سے ملاقات کی ویڈیو وائرل

بھارتی فلم اسٹار شاہ رخ خان کی دبئی میں ایک پاکستانی خاتون مداح سے ملاقات ہوئی جس کی ویڈیو سوشل میڈیا پر گردش کررہی ہے۔

شاہ رخ حال ہی میں گلوبل ولیج کلچرل سینٹر میں ہونے والے ایک ایونٹ میں شریک ہوئے، جہاں انہوں نے اپنے مشہور گانوں پر شاندار پرفارمنس بھی پیش کی تھی۔ اس موقع پر اداکار نے اپنے کئی مداحوں سے ملاقات کی جن میں پاکستانی خاتون بھی شامل تھی۔

شاہ رخ خان سے پاکستانی مداح خاتون نے اسٹیج پر آکر ملاقات کی اور انہیں بتایا کہ پورا پاکستان ان سے محبت کرتا ہے۔ اداکار نے اس خاتون مداح کے ساتھ تصویریں بنوائیں اور شاہ رخ سے محبت کا اظہار کیا۔