سابق بوائے فرینڈ سمیت دو افراد کے قتل پر نرگس فخری بہن سے لاتعلق

معروف اداکارہ نرگس فخری نے امریکا میں دہرے قتل کے الزام میں گرفتار اپنی بہن عالیہ فخری سے لاتعلقی کا اظہار کردیا۔

بھارتی میڈیا کی رپورٹس کے مطابق نرگس فخری نے میڈیا سے بات کرتے ہوئے تصدیق کی ہے کہ وہ گزشتہ 20 سال سے اپنی بہن سے رابطے میں نہیں اور انہیں بہن کے امریکا میں 2 افراد کے قتل میں ملوث ہونے سے متعلق سوشل میڈیا کے ذریعے معلوم ہوا ہے۔

گزشتہ روز اداکارہ نرگس فخری کی 43 سالہ بہن عالیہ فخری کو امریکا میں سابق بوائے فرینڈ کے گھر کو نذرِ آتش کرنے اور ان سمیت دہرے قتل کے الزام میں گرفتار کیا گیا تھا۔

واقعے میں عالیہ فخری کے سابق بوائے فرینڈ اور اس کی خاتون دوست ہلاک ہو گئی تھی۔