بی آر ٹی کا کرایہ بڑھ گیا؟ حقیقت سامنے آگئی

سوشل میڈیا پر اطلاعات سامنے آئی تھیں کہ پشاور میں چلنے والی عوامی بس بی آر ٹی کا کرایہ بڑھا دیا گیا ہے۔

اس خبر کے سامنے آنے کے روزانہ سفر کرنے والے شہریوں کو پریشانی کا سامنا تھا کیونکہ یک دم اُن کی جیب پر کرایہ بڑھنے کا اثر پڑھتا۔

حقیقت کیا ہے

تاہم حقیقت یہ ہے کہ پشاور کے بی آر ٹی کے کرایوں میں اضافے کی خبروں میں کوئی صداقت نہیں ہے۔ ترجمان ٹرانس پشاور کے مطابق بی آر ٹی کا موجودہ کرایہ 20 روپے سے 60 روپے تک ہے کارڈ کی قیمت میں بھی کوئی اضافہ نہیں کیا گیا۔

ترجمان ٹرانس پشاور کے مطابق بس ریپڈ ٹرانزٹ (بی ارٹی ) کے کرایوں میں کوئی اضافہ نہیں کیا اس حوالے سے چلنے والے خبروں میں کوئی صداقت نہیں ہے۔

ترجمان کے مطابق کارڈ کی قیمت 400 روپے ہے۔ 510 روپے قیمت کی خبروں میں بھی کوئی صداقت نہیں، سفر کرنے کے لئے کارڈ میں صرف 60 روپے ہونا ضروری ہیں۔