کیا عمران خان کو اڈیالہ جیل سے بنی گالہ منتقل کردیا گیا ہے؟

سینئر صحافی شاہین صہبائی نے دعویٰ کیا تھا کہ سابق وزیراعظم عمران خان کو اڈیالہ جیل سے بنی گالہ رہائش گاہ منتقل کرنے کیلیے سخت اقدامات کیے گئے ہیں۔

انہوں نے سوشل میڈیا پوسٹ میں لکھا تھا کہ وہ کون ہے جس نے عمران خان کو جیل سے بنی گالہ منتقل کردیا۔

#PropogandaAlert ❌

عمران ریاض نے عمران خان کی رہائی اور خفیہ طریقے سے اڈیالہ جیل سے بنی گالہ منتقلی کرنے پر پورا وی لاگ کرڈالا جس کو لاکھوں لوگوں نے دیکھا اور آگے شئیر کیا

اور پھر شاہین صیہبائی نامی صارف نے اس وی لاگ کی وڈیو کو آگے شئیر کرتے ہوئے پراپیگنڈا کیا

جبکہ آج کورٹ… https://t.co/18CPJYWdSl pic.twitter.com/Os0s8DlRDq

— Expose Propaganda (@EPropoganda1) February 13, 2024

حقیقت کیا ہے؟

دوسری طرف اڈیالہ جیل میں صحافیوں سے گفتگو کرتے ہوئے عمران خان نے جیل میں کسی بھی شخصیت سے ملاقات کی تردید کرتے ہوئے کہا کہ اُن کی کسی سیاسی جماعت یا بڑے، چھوڑے آدمی (افسر) سے ملاقات نہیں ہوئی۔

انہوں نے یہ بھی تصدیق کی کہ ’مجھے جیل سے بنی گالہ منتقل نہیں کیا جارہا‘۔ اس موقع پر عمران خان نے بشریٰ بی بی کی بنی گالہ سے اڈیالہ جیل منتقلی کے حوالے سے درخواست کا تذکرہ کرتے ہوئے بتایا کہ اسلام آباد ہائیکورٹ نے اُس درخواست پر آج سماعت کی، اسی وجہ سے سیکیورٹی کے سخت انتظامات کیے گئے تھے۔

واضح ہے کہ توشہ خانہ اور غیر شرعی نکاح کیس میں سزا کے بعد جیل انتظامیہ نے بشریٰ بی بی کو اڈیالہ جیل میں رکھنے کے بجائے بنی گالہ کی رہائش گاہ منتقل کیا اور گھر کو سب جیل قرار دے دیا ہے۔

”میں بنی گالہ شفٹ نہیں ہو رہا، قوم جاگ چُکی ہے، قوم نے پاکستانی تاریخ کا سب بڑا مینڈیٹ دیا ہے، اس مینڈیٹ کوآگے لیکر جانا ہماری ذمہ داری ہے، جہاں جہاں حکومت بنانی ہے وہاں کام شروع کردیں،“

عمران خان کا اپنی لیگل ٹیم کے ذریعے جیل سے پیغام #عوام_کو_اپنا_حق_دو pic.twitter.com/ns74E9cbom

— PTI (@PTIofficial) February 13, 2024

دعوے کا نتیجہ

صحافی شاہین صہبائی کی جانب سے کیا جانے والے دعوے کا اگر جائزہ لیا جائے گا یہ بالکل غلط ثابت ہوتا ہے۔