کورونا سے ایک ہفتے 17 سو کے قریب افراد لقمہ اجل بن رہے، عالمی ادارہ صحت

عالمی ادارہ صحت نے انکشاف کیا ہے کہ کورونا وائرس اب بھی پوری دنیا میں ایک ہفتے میں 17 سو کے قریب افراد لقمہ اجل بن رہے ہیں، خطرے والی آبادیوں پر زور دیا ہے کہ وہ اس بیماری کے خلاف اپنی ویکسینیشن کا عمل جاری رکھیں۔

غیر ملکی ذرائع ابلاغ کے مطابق جمعرات کو ڈبلیو ایچ او کے ڈائریکٹر جنرل ٹیڈروس ایڈہانوم نے ویکسین کی کوریج میں کمی پر ایک انتباہ دیا۔

اقوام متحدہ کی صحت کے ادارے کے سربراہ نے ایک پریس کانفرنس میں بتایا کہ اعداد و شمار سے پتہ چلتا ہے کہ صحت کے کارکنوں اور 60 سال سے زیادہ عمر کے لوگوں میں ویکسین کی کوریج میں کمی آئی ہے جو دو سب سے زیادہ خطرہ والے گروپ ہیں۔

ڈبلیو ایچ او کو اب تک 70 لاکھ سے زیادہ کورونا اموات کی اطلاع دی گئی ہے، حالانکہ اس وبائی مرض کی حقیقی تعداد اس سے کہیں زیادہ بتائی جاتی ہے۔ کورونا وائرس نے معیشتوں اور صحت کے نظام کو تباہ کر دیا تھا۔

ڈبلیو ایچ او تجویز کرتا ہے کہ سب سے زیادہ خطرہ والے گروپوں میں لوگ اپنی آخری خوراک کے 12 ماہ کے اندر کورونا وائرس ویکسین حاصل کریں۔

ڈبلیو ایچ او نے حکومتوں پر زور دیا ہے کہ وہ وائرس کی نگرانی اور ترتیب کو برقرار رکھیں، سستے اور قابل اعتماد ٹیسٹوں، علاج اور ویکسین تک رسائی کو یقینی بنائیں۔

ٹیڈروس نے تین سال سے زیادہ عرصے بعد مئی 2023 میں کورونا وائرس کے خاتمے کا اعلان کیا تھا۔ جب 2019 کے آخر میں چین کے شہر ووہان میں پہلی بار اس وائرس کا پتہ چلا تھا۔