ملتان کے نشتر اسپتال میں 30 مریض ایڈز میں مبتلا

ملتان کے نشتر اسپتال میں 30 مریض ایڈز میں مبتلا ہوگئے " ماہرین " نے ایڈز کے شکار مریض کا جس مشین پر ڈائی لیسز کیا اسی پر دوسرے مریضوں کا بھی کردیا۔

نشتر اسپتال کی انتظامیہ کے مطابق اسپتال کے ڈائیلیسز یونٹ میں ایڈز کے مریض کا ڈائیلیسز کیا گیا تھا جس کے بعد اسی مشین پر دیگر مریضوں کاڈائیلیسز کرنے سے وائرس ان میں بھی منتقل ہوگیا۔

اسپتال انتظامیہ کا بتانا ہے کہ 30 مریضوں کے ایڈز میں مبتلا ہوجانے کے بعد 2 ڈائیلیسز مشینوں کوبند کردیا گیا جب کہ واقعے کی تفتیش کیلئے انکوائری کمیٹی بنادی گئی ہے۔

اسپتال انتظامیہ کا موقف ہے کہ ممکن ہے کسی مریض نے باہرسے خون لگوایا ہو اور ایڈزکے جراثیم اس میں منتقل ہوگئے ہوں۔