سندھ میں ڈینگی کے کیسز میں اضافہ، 24 گھنٹوں میں مزید 232 مریض رپورٹ

سندھ میں ڈینگی وائرس کے کیسز میں اضافہ برقرار ہے، گزشتہ 24 گھنٹوں کے دوران مزید 232 افراد میں وائرس کی تشخیص ہوئی ہے جن میں سے 127 کا تعلق کراچی سے ہے۔

محکمہ صحت سندھ کے مطابق اس دوران سرکاری اسپتالوں میں 34 اور نجی اسپتالوں میں 17 نئے مریض داخل کیے گئے، جس کے ساتھ صوبے میں اسپتالوں میں زیرِ علاج ڈینگی مریضوں کی مجموعی تعداد 44 ہو گئی ہے۔ کراچی کے سرکاری اسپتالوں میں 17 اور حیدرآباد میں 9 مریض داخل ہوئے۔

رپورٹ میں بتایا گیا کہ گزشتہ روز 38 مریض سرکاری جبکہ 34 مریض نجی اسپتالوں سے صحت یاب ہوکر گھر روانہ ہوئے۔ ڈی جی ہیلتھ سندھ کے مطابق ڈینگی کے باعث صوبے میں گزشتہ 24 گھنٹوں میں کوئی ہلاکت رپورٹ نہیں ہوئی۔

محکمہ صحت کے مطابق صوبے بھر میں 2432 افراد کے ڈینگی ٹیسٹ کیے گئے جن میں 232 مثبت آئے۔ سب سے زیادہ کیسز کراچی میں 123 جبکہ حیدرآباد میں 109 رپورٹ ہوئے۔