عروہ حسین نے مداحوں کو چیلنج کردیا

کراچی: شوبز انڈسٹری کی معروف اداکارہ عروہ حسین کا کہنا ہے کہ میں چیلنج کرتی ہوں کہ ماورا حسین کی طرح کوئی نہیں رو سکتا ہے۔

ماورا حسین اور عروہ حسین شوبز انڈسٹری کی بہنوں کی جوڑی ہے جنہوں نے وی جینگ کے ذریعے اداکاری شروع کرنے کے بعد اداکاری میں اپنا نام پیدا کیا ہے۔

وہ اب ان سب سے باصلاحیت اداکاراں میں شامل ہیں جنہیں اپنی موجودگی اور اسکرپٹ کے بہترین انتخاب کے لیے پسند کیا جاتا ہے۔

اداکارہ طویل عرصے بعد گڈ مارننگ پاکستان پر ایک ساتھ نظر آئیں اور اپنے سفر کے بارے میں بتایا۔ندا یاسر نے آغاز کرتے ہوئے کہا کہ ڈرامہ انڈسٹری میں کوئی بھی اتنا خوبصورت نہیں لگتا جتنا ماورا روتے ہوئے نظر آتی ہے۔

عروہ نے اتفاق کیا اور کہا کہ وہ ماورا سے بھی متاثر ہوتی ہیں کہ وہ مناظر کے دوران کس طرح روتی ہیں۔عروہ نے عوام کو چیلنج کرتے ہوئے کہا کہ ماورا حسین کی طرح کوئی نہیں روتا۔

انہوں نے مزید کہا کہ لوگ ان کی نقل کرنے کے لیے ویڈیوز بنا سکتے ہیں کیونکہ وہ دیکھنا چاہتی ہیں کہ لوگ ماورا کے رونے کی نقل کیسے کرتے ہیں۔

ماورا حسین نے کہا کہ شروع میں جب کوئی مجھے یہ کہتا تھا کہ آپ روتے ہوئے بہت اچھی لگتی ہیں تو میں پریشان ہوجاتی تھی۔