عائزہ خان مظلوم فلسطینیوں کے حق میں بول پڑیں۔۔

 کراچی: پاکستان شوبز انڈسٹری کی معروف اداکارہ عائزہ خان مظلوم فلسطینیوں کے حق میں بول پڑیں۔

سوشل میڈیا پر مسجد اقصیٰ کی تصویر شئیر کرتے ہوئے عائزہ خان کا کہنا تھا کہ فلسطین ہمیشہ ہمارے دلوں اور ذہنوں میں رہتا ہے۔ فلسطین کو آزاد کرو۔

اداکارہ کا بیان ایسے وقت میں سامنے آیا ہے جب فلسطین کے حق میں آواز نہ اٹھانے والے اداکاروں کے خلاف سوشل میڈیا مہم بلاک آئوٹ چلائی جا رہی ہے۔

سوشل میڈیا پر فلسطینیوں سے اظہار یکجتہی کرتے ہوئے اداکارہ ایمن منیب نے بھی فلسطین کا پرچم شئیر کیا اور لکھا دریا سے سمندر تک ۔۔ فلسطین کو آزاد کرو۔ ہم اپنے فلسطینی بھائی بہنوں کے لیے دعا گو ہوں۔

عائزہ خان کو گزشتہ دنوں فلسطینیوں کے حق میں بیان نہ دینے پر سوشل میڈیا پر شدید تنقید کا نشانہ بنایا گیا تھا۔