بلاول بھٹو کیلیے لڑکی پسند کرلی گئی، جلد منگنی متوقع

پاکستان پیپلز پارٹی کے چیئرمین اور سابق وفاقی وزیر خارجہ بلاول بٹو زرداری کے لیے لڑکی کا انتخاب کر لیا گیا ہے اور امکان ظاہر کیا جا رہا ہے کہ 15 یا 16 دسمبر کو ان کی منگنی کی رسم کر دی جائے گی۔

بلاول بھٹو کے لیے کس لڑکی کا انتخاب کیا گیا ابھی تک اس کا نام یا تفصیلات تو سامنے نہیں ا سکی تاہم ذرائع کا کہنا ہے کہ لڑکی کا تعلق سندھ سے ہے اور وہ دبئی میں اپنے خاندان کے ساتھ مقیم ہے۔

بلاول کے لیے دلہن کی تلاش میں آصفہ اور بختاور نے اہم کردار ادا کیا جب کہ بختاور کے سسر نے بھی اس حوالے سے لڑکی تلاش کرنے میں مدد فراہم کی۔

بعد ازاں بلاول کے والد اور پھپھو نے دبئی جا کر اس لڑکی کو پسند کر کے فائنل کر دیا اب کہا جا رہا ہے کہ بلاول کی منگنی کی رسم 15 یا 16 دسمبر کو دبئی یا پھر کراچی میں ہوگی غالب امکان یہ ہے کہ مرکزی تقریب دبئی میں منعقد کی جائے۔