اداکارہ مریم نفیس کرکٹر اعظم خان کی ’ماں‘ نکلیں

پاکستان اداکارہ مریم نفیس نے کرکٹر اعظم خان کے ساتھ اپنے قریبی اور گہرے تعلقات پر پہلی بار کھل کر گفتگو کرتے ہوئے سب کو حیران کردیا۔

مریم نفیس نے پی ایس ایل کے ایک میچ میں اسلام آباد یونائیٹڈ کی حمایت کی اور اعظم خان کے ساتھ اپنے تعلقات پر بھی بات کی۔ انہوں نے جب اپنے اوراعظم خان کے رشتے پر لب کشائی کی تو سب حیران رہ گئے۔

مریم نفیس اسٹیڈیم میں اپنے بیٹے کے ساتھ موجود تھیں۔

انہوں نے بتایا کہ اعظم کو ایک بار میں نے بولا کہ تم میرے بچوں جیسے اور میری اولاد ہو ، اُس روز سے اعظم نے مجھے ماں بولنا شروع کیا اور وہ محبت میں بولتا ہے۔

مریم کے مطابق اعظم خان کے منہ سے انہیں خود کے بارے میں ماں سننا بہت اچھا لگتا ہے اور وہ اس کو پسند بھی کرتی ہیں اور یہ اُن کے لیے قابل فخر بھی ہے۔

اداکارہ نے واضح کیا کہ وہ گراؤنڈ میں صرف اعظم خان کو سپورٹ کرنے آئی ہیں۔