فلرٹنگ کے سوال پر مہوش حیات کا جواب سامنے آگیا

پاکستانی شوبز انڈسٹری کی معروف اداکارہ مہوش حیات کی پاکستان کے مقبول ترین اداکار ہمایوں سعید کو فلرٹ ریٹ دینے کی ویڈیو سوشل میڈیا پر گردش کررہی ہے۔

معروف اداکارہ نے  مداحوں کے سوال پربتایا کہ ہمایوں کی نیچر کو فلرٹ نہیں کہا جاسکتا لیکن وہ کافی دوستانہ اور مزاح سے بھرپور شخصیت کے مالک ہیں، جب ہم دونوں ڈائریکٹر ندیم بیگ کے ساتھ کوئی پروجیکٹ کررہے ہوں تو ہم تینوں کے درمیان ایک مزاحیہ ٹرائی اینگل چل رہا ہوتا ہے کہ مہوش سے زیادہ نزدیک کون ہے؟

مہوش حیات کا کہنا تھا کہ ہم سب بہت اچھے دوست ہیں اور میں شادی شدہ مردوں کے ساتھ کام کرتی ہوں لہذا ہمارے درمیان دوستی سے زیادہ کچھ بھی نہیں، سب میرے لیے فیملی فرینڈ کی طرح ہیں اس سے زیادہ کچھ نہیں ہے۔

ندا یاسر نے مہوش حیات پر زور دیتے ہوئے سوال جاری رکھا کہ اگر تم سے فلم اسٹار ز ہمایوں سعید، فہد مصطفی، اظفر رحمان اور احسن خان کو فلرٹنگ میں نمبر دینے کا سوال کیا جائے تو تم سرفہرست کس کا نام رکھوں گی اوران اداکاروں کو کس طرح نمبر دو گی؟

اس کے جواب مہوش حیات کا کہنا تھا کہ سرفہرست ہمایوں سعید کو رکھوں گی، اس کے بعد دوسرا نمبر احسن خان ، تیسرا نمبر فہد مصطفی کا ہے،  اظفر رحمان میرے دوست ہیں ان کے ساتھ فلرٹ کا کوئی سین نہیں۔