کے پی حکومت کی سیاحوں کیلیے ہیلی کاپٹر سروس شروع

صوبے میں سیاحت کو فروغ دینے کے مقصد سے خیبرپختونخوا حکومت نے سیاحوں کے لیے چترال ایئرپورٹ سے صوبے کے مختلف علاقوں تک ہیلی کاپٹر سروس شروع کی ہے۔ 

 خیبر پختونخوا کے محکمہ سیاحت نے ایک پریس ریلیز جاری کرتے ہوئے کہا کہ یہ اقدام صوبائی محکمہ اور پیٹرونیٹ ایوی ایشن کے درمیان یادداشت پر دستخط کرنے کے بعد کیا گیا ہے۔ 

 اس میں مزید کہا گیا کہ اس سروس کے تحت سیاحوں کا ہیلی کاپٹر کا سفر چترال ایئرپورٹ سے شروع ہوگا اور وہ اپنے منتخب کردہ پیکجز کے مطابق مختلف علاقوں کا دورہ کر سکیں گے۔ 

 حکومت نے مختلف پیکجز متعارف کرائے ہیں جن کا آغاز 200،000 روپے فی کس 20 منٹ کرایہ، 60 منٹ کا سفر 600،000 روپے فی شخص جبکہ سیاحوں کو 90 منٹ کے لیے 735،000 روپے ادا کرنا ہوں گے۔ 

 حکومت کے مطابق 28 سے 30 جون تک ہونے والے شانڈو پولو فیسٹیول میں بھی سیاح اس سروس سے فائدہ اٹھا سکتے ہیں۔

 مزید برآں، مسافر چترال ائیرپورٹ سے کیلاش ویلی، لواری ٹنل، تریچ میر چوٹی، قاقلشٹ میڈوز اور دیگر مقامات پر جا سکتے ہیں۔

 محکمہ نے کہا کہ چترال میں سیاحتی مقامات بہت دور ہیں، سیاحوں کو منزل تک پہنچنے میں کئی گھنٹے لگتے ہیں۔

 "ہیلی کاپٹر سروس سے سیاح ڈیڑھ گھنٹے میں مختلف علاقوں کی سیر کر سکیں گے۔"

 محکمہ سیاحت اور ثقافت کا خیال ہے کہ یہ سروس غیر ملکی سیاحوں کے لیے مفید ثابت ہوگی۔