معروف ڈرامہ آرٹسٹ ڈولی سوہی انتقال کرگئیں

بھارت کی معروف اداکارہ ڈولی سوہی چھ ماہ سروائیکل کینسر سے جنگ لڑنے کے بعد 48 برس کی عمر میں دار فانی سے کوچ کرگئیں 

بھارت کے مشہور زمانہ ڈراموں میں اپنا لوہا منوانے والی ڈولی سوہی 8 مارچ کو ممبئی کے آپولو اسپتال میں کینسر سے جنگ لڑتے ہوئے چل بسیں۔ 

اداکارہ کے بھائی منٹوں کے مطابق ڈولی میں 6 ماہ قبل سروائیکل کینسر کی تشخیص ہوئی تھی اور ان کے علاج کا سلسلہ جاری تھا، بیماری اور کمزوری کے باعث وہ ڈراموں کی شوٹنگ میں بھی حصہ نہیں لے رہی تھیں۔ 

دوسری بہن امن دیپ کو ایک ماہ قبل جوائنڈس ہوا جس کے سبب وہ بھی آپولو اسپتال میں زیرِ علاج تھیں۔ ایک روز قبل امن دیپ کا انتقال ہو اور اس کے 24 گھنٹوں کے اندر ہی ڈولی سوہی چل بسیں۔ 

واضح رہے کہ امن دیپ بھی اداکاری کے شعبے سے وابستہ تھیں مگر دونوں بہنوں میں زیادہ مقبولیت ڈولی سوہی کو حاصل ہوئی۔ 

دونوں بہنوں کے اچانک ایک ساتھ دنیا سے رخصت ہونے پر خاندان پر قیامت ٹوٹ پڑی،ڈولی سوہی اپنے پیچھے ایک 14 سالہ بیٹی امیلی چھوڑ ا ہے۔