معروف امریکی اداکار نے زندگی کا خاتمہ کرلیا

مشہور امریکی ڈراما سیریز دی وائر میں اپنے کردار کی وجہ سے شہرت پانے والے امریکی اداکار جیمز رینسن46 برس کی عمر فانی دنیا کو خیر باد کہہ گئے۔

امریکی میڈیا رپورٹس کے مطابق لاس اینجلس کے میڈیکل حکام کا بتانا ہے کہ امریکی اداکار جیمز رینسن نے جمعہ کو خودکشی کی۔

رپورٹس کے مطابق اداکارجیمز رینسن کی اہلیہ نے شوہر کو خراج عقیدت پیش کرتے ہوئے سوشل میڈیا پر لکھا کہ 'میں تم سے ہزار بار محبت کر چکی ہوں اور جانتی ہوں کہ دوبارہ بھی کروں گی'۔

یاد رہے کہ جیمز رینسن نے دی وائر کے دوسرے سیزن میں Ziggy کا کردار ادا کیا تھا، جو ایک اناڑی اور انتشار پسند چھوٹے درجے کا مجرم تھا۔ یہ سیریز دنیا کی بہترین ٹی وی سیریز میں شمار کی جاتی ہے۔

دی وائر کے ساتھی اداکار وینڈل پیئرس نے اداکار کی موت پر سوشل میڈیا پر تعزیت کرتے ہوئے لکھا کہ 'میرے بھائی مجھے افسوس ہے کہ میں تمہارے لیے وہاں موجود نہ ہو سکا'۔