میں زبردستی ایمن سے کوئی کام نہیں کروا سکتا، منیب بٹ

کراچی : پاکستانی شوبز انڈسٹری سے وابستہ معروف اداکارہ ایمن منیب اسکرین سے دور کیوں ہیں، اس کی وجہ ان کے شوہر و اداکار منیب بٹ نے بتادی۔

حال ہی میں اداکار نے ایک پوڈکاسٹ میں شرکت کی جہاں انہوں نے نجی زندگی کے حوالے سے کھل کر بات کی۔دورانِ انٹرویو انہوں نے ایک سوال کا جواب دیتے ہوئے کہا کہ ایمن جتنی خود مختار ہے، میں ذبردستی اس سے کوئی کام نہیں کروا سکتا جب تک اس کی اپنی مرضی شامل نہ ہو، اور یہ ہمارے دین میں بھی نہیں ہے کہ اپنی بیوی پر اپنی مرضی تھوپیں۔

انہوں نے کہا کہ ہمارا کام باقی کام سے الگ ہے، کیونکہ جب ہمارے پروجیکٹ پر کام چل رہا ہوتا ہے تو 50 سے 60 دن بیحد مصروف رہتے ہیں، 10 سے 12 گھنٹے شوٹ ہوتا ہے، پھر اپنے آپ پر بھی توجہ دینی ہوتی ہے ایسے میں بچے نظر انداز ہو جاتے ہیں۔

ان کا کہنا ہے کہ میرا ماننا ہے کہ بچوں پر ہم خود توجہ دیں، گھریلو ملازمہ سے ان کی تربیت کے کام نہ لیں کیونکہ آج ہم جو انویسٹ کریں گے کل وہی ہمیں ریٹرن ملے گا۔

میں نے کئی ایسے کیسز دیکھے ہیں جہاں بچے بڑے ہونے کے بعد ماں باپ کو وقت نہیں دیتے، خرچہ تو اٹھا لیں گے لیکن ان کے ساتھ بیٹھنے کا وقت نہیں ہوگا۔