صاحبہ افضل نے سیٹ پر ساتھی اداکار کو تھپڑ کیوں مارا؟

پاکستانی شوبز انڈسٹری کی معروف اداکارہ صاحبہ افضل نے سیٹ پر شوٹنگ کے دوران ساتھی اداکار کو تھپڑ مارا جس سے وہ زمین پر گر گیا۔

اداکارہ نے حال ہی میں ایک نجی ٹی وی شو میں بتایا کہ ماضی میں ایک فلم کی شوٹنگ کے دوران انہوں نے ساتھی اداکار کو تھپڑ مار دیا تھا، صاحبہ کا کہنا تھا کہ اس فلم میں فیصل قریشی ان کے ہیرو تھے اور ایک گانے کی شوٹنگ کے دوران انہیں ایک اداکار کے ساتھ ڈانس کرکے فیصل قریشی کو جلانا تھا۔

اداکارہ نے کہا کہ وہ اداکار حد سے زیادہ اوور ایکٹنگ کر رہا تھا اور جب کیمرہ آن ہوا تو اس نے اوور ایکٹنگ کی تو میں نے اسے تھپڑ مار دیا۔ انہوں نے بتایا کہ تھپڑ اتنا زور دار تھا کہ وہ اداکار زمین پر گر گیا۔

اداکارہ نے کہا کہ جس اداکار کو تھپڑ مارا تھا اس کا نام مجھے یاد نہیں ہے کیونکہ اس نے بعد میں شوبز انڈسٹری میں کام جاری نہیں رکھا۔

اُنہوں نے کہا کہ اس واقعے کی ویڈیو ممکنہ طور پر فیصل قریشی کے پاس موجود ہے کیونکہ وہ اس وقت ویڈیو ریکارڈ کررہے تھے، انہوں نے مزید بتایا کہ آج بھی جب فیصل قریشی سے ملاقات ہوتی ہے تو وہ اس تھپڑ کی گونج کو یاد کرتے ہیں۔