شادی کے اخراجات کی بچت، یو اے ای نے غیر شادی شدہ افراد کیلیے زبردست اعلان کر دیا

متحدہ عرب امارات (یو اے ای) کی حکومت نے شادی کرنے کا ارادہ رکھنے والے اماراتی نوجوانوں کے لیے ایک نیا پروگرام پیش کردیا جس میں سرکاری ملازمین کی مدد کے لیے وقف ایک سماجی تنظیم، فضا کے ساتھ شراکت داری کی گئی ہے۔

 معاہدے پر کمیونٹی ڈویلپمنٹ ڈیپارٹمنٹ (DCD) - ابوظہبی نے دستخط کیے تھے۔

 اس اقدام کا مقصد شادی کے بندھن میں بندھنے کی منصوبہ بندی کرنے والے نوجوان اماراتی جوڑوں پر مالی بوجھ کو کم کرنا ہے۔

 اس پروگرام کے تحت، جلد از جلد شادی کرنے والے جوڑے فضا میں رجسٹر ہو کر بہت سے فوائد اور خدمات حاصل کر سکتے ہیں۔

 ان میں مختلف اسٹورز پر خصوصی ڈسکاؤنٹ، کار انشورنس، اور ذاتی حادثے کا معاوضہ شامل ہے۔ پروگرام مالی امداد سے آگے ہے۔  

رجسٹرڈ جوڑوں کو شادی سے پہلے کی مشاورت تک بھی رسائی حاصل ہو گی، بشمول ثالثی اور نفسیاتی خدمات، جو میڈیم سینٹر فار فیملی فلورشنگ میں پیش کی جائیں گی۔

 ایک بار رجسٹر ہونے اور میڈیم گولڈ کارڈ رکھنے کے بعد، منگنی کرنے والے جوڑے شادی کی مختلف خدمات پر بھاری رعایت حاصل کرنے کے حقدار ہونگے۔ 

 جس میں شادی ہال، اسٹیج کی سجاوٹ (کوشا)، فوٹو گرافی، لائٹنگ، آواز، موسیقی، سجاوٹ، پھول، دلہن کے لباس وغیرہ سے متعلق اخراجات شامل ہیں۔

ہوٹلوں، جائیداد، فرنیچر، زیورات اور سفری اخراجات میں بھی خصوصی رعایت دی جائے گی۔

 میڈیم کارڈ رجسٹرڈ شہریوں کے لیے خصوصی فوائد اور پیشکشوں کا ایک جامع پیکج فراہم کرے گذ، خاص طور پر وہ لوگ جو شادی کرنے کا ارادہ رکھتے ہیں اور میڈیم سینٹر فار فیملی فلورشنگ کے ساتھ فعال طور پر شامل ہیں۔

 میڈیم فیملی پریپریشن سینٹر میں اندراج اور میڈیم کارڈ حاصل کرنے کے لیے اہلیت کے مخصوص معیار کا اعلان میڈیم سینٹر فار فیملی فلورشنگ کے آغاز پر کیا جائے گا۔