وی لاگر معاذ صفدر کے بھائی کی مہندی، تصاویر سامنے آگئیں

پاکستانی وی لاگر معاذ صفد کے بھائی کی مہندی کی تصاویر سوشل میڈیا پر وائرل ہوگئیں۔

معاذ صفدر ایک مشہور پاکستانی ڈیجیٹل تخلیق کار اور نوجوان کاروباری شخصیت ہیں جنہوں نے اپنے سوشل میڈیا کا آغاز ٹک ٹاک سے کیا اور اب اُن کا شمار یوٹیوب کے بڑے اسٹارز میں ہوگا۔

معاذ صفد کے انسٹاگرام پر 20 لاکھ فالوورز ہیں جبکہ یوٹیوب پر تقریبا 4.32 ملین سبسکرائبرز بھی ہیں، اُن کی ویڈیوز بھی لاکھوں کی تعداد میں دیکھی جاتی ہیں۔

معاذ صفدر کی شناخت فیملی وی لاگنگ کی وجہ سے ہے اور انہیں مداح ڈیلی وی لاگنگ کیلیے پسند بھی کرتے ہیں، وہ اپنی ویڈیوز میں اہلیہ، بچے، دو بھائی، بہن اور والدین کو بھی دکھاتے ہیں۔

معاذ صفدر اور ان کے اہل خانہ اپنے چھوٹے بھائی حسین صفدر کی شادی کی خوشیاں منا رہے ہیں۔

وہ تمام تقریبات میں بڑھ چڑھ کر حصہ لیتے رہے ہیں۔ اس سے قبل حسین کی قوالی نائٹ کی ایک ویڈیو شیئر کی گئی تھی۔

آج، معاذ صفدر نے مہندی کی تقریب کی تصاویر پوسٹ کیں، جن میں ان کی فیملی اور ان کے بھائی شاز صفدر کی فیملی نے شرکت کی۔

ان کے بیٹے باسل اور والدین کو بھی دلکش تصاویر کے لیے پوز دیتے ہوئے دیکھا گیا۔