ہمارے پاس ریاستی مشینری نہیں، حماد اظہر کی پنجاب سے کم کارکنان نکلنے پر وضاحت

پاکستان تحریک انصاف پنجاب کے رہنما حماد اظہر نے اسلام آباد احتجاج میں اپنے صوبے سے کم کارکنان کی شرکت پر وضاحت پیش کی ہے۔

حماد اظہر نے اعتراف کیا کہ اسلام آباد میں احتجاج کے دوران پنجاب سے نکلنے والے کارکنان کی تعداد کم تھی۔

انہوں نے اعتراف کے ساتھ یہ بھی کہا کہ ہمارے پاس ریاستی مشینری نہیں جو زیادہ کارکنان کو نکال سکیں یا بھرپور اہتمام کے ساتھ اسلام آباد پہنچتے۔

واضح رہے کہ اسلام آباد میں احتجاج کے دوران پنجاب سے کارکنان اور قیادت کے نہ پہنچنے پر پی ٹی آئی کے لوگ شدید تنقید کررہے ہیں۔

حماد اظہر نے اس تنقید پر جواب دیتے ہوئے کے پی حکومت کو خاموش تنقید کا نشانہ بنایا اور اس بات کی بھی تصدیق کی ہے کہ دھرنے یا احتجاج میں خیبرپختونخوا حکومت ریاستی مشینری کا استعمال کرتی ہے۔