علی امین گنڈا پور کو کرپشن پر ہٹائے جانے کا انکشاف

بانی پی ٹی آئی کی جانب سے علی امین گنڈا پور سے صوبائی صدارت لیے جانے کے فیصلے کی اندرونی کہانی سامنے آئی ہے۔

دلچپسپ بات یہ ہے کہ علی امین سے صدارت لے کر مخالف دھڑے کے جنید اکبر کو ذمہ داری دی گئی ہے جبکہ عاطف خان بھی دوبارہ تنظیمی معاملات میں متحرک ہوگئے ہیں۔

ذرائع کے مطابق جنید اکبر اور دیگر نے بانی پی ٹی آئی سے صوبے میں بدترین گورننس اور کرپشن کے حوالے سے شکایات کیں تھیں جس پر عمران خان نے علی امین سے پارٹی صدارت واپس لی اور انہیں وزارت اعلیٰ پر فوکس کرنے کی ہدایت کی ہے۔

علی امین گنڈا پور نے بانی پی ٹی آئی کے فیصلے کو سرخم تسلیم کیا اور کہا ہے کہ وہ پارٹی سربراہ کی توقعات کے عین مطابق حکومتی امور چلائیں گے۔ ذرائع کا کہنا ہے کہ حکومتی سطح پر بھی تبدیلیاں کی جاسکتی ہیں اور کچھ وزرا سے قلمدان واپس لیے جائیں گے۔