عمران خان کو بڑا دھچکا

سابق وفاقی وزیر خزانہ اور پاکستان تحریک انصاف کے سینئر رہنماؤں میں شامل شوکت ترین نے سیاست اور پارٹی سے کنارہ کشی اختیار کرنے کا اعلان کردیا۔

ذرائع کے مطابق شوکت ترین سیاست سے کنارہ کشی اختیار کرتے ہوئے جلد سینیٹ کی نشست سے بھی مستعفی ہوجائیں گے اور انہوں نے اس حوالے سے پارٹی قیادت کو بھی آگاہ کردیا ہے۔

اُدھر نجی ٹی وی سے گفتگو کرتے ہوئے شوکت ترین نے پارٹی اور سیاست سے کنارہ کشی اختیار کرنے کی تصدیق بھی کردی ہے تاہم انہوں نے فی الحال کوئی وجہ نہیں بتائی۔

واضح رہے کہ شوکت ترین پی ٹی آئی کے دور حکومت میں وزیر خزانہ تھے اور خیبرپختونخوا کی جنرل نشست سے سینیٹ کا رکن بھی منتخب ہوئے تھے۔