عید کے ایام میں کراچی کا موسم کیسا رہے گا؟ محکمہ موسمیات کی پیش گوئی

محکمہ موسمیات کا عید الفطر کے ایام میں کراچی کے موسم سے متعلق اپنے بیان میں کہنا ہے کہ عید کے دنوں میں شہر کا موسم گرم اور خشک رہنے کا امکان ہے۔

محکمہ موسمیات کا کہنا ہے کہ آج شہر کا کم سے کم درجہ حرارت 19 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 35 سے 37 ڈگری سینٹی گریڈ تک رہنے کا امکان ہے۔

محکمہ موسمیات کے مطابق اس وقت شہر کی ہوا میں نمی کا تناسب 26 فیصد ہے جبکہ شام کے اوقات میں ہوا میں نمی کا تناسب 10 سے 20 فیصد رہنے کا امکان ہے۔

محکمہ موسمیات بلوچستان کے موسم کے حوالے سے بتایا کہ وادی کوئٹہ اور گرد و نواح میں مطلع صاف، موسم خشک اور ہلکا سرد ہے۔

محکمہ موسمیات کے مطابق بلوچستان کے شمالی علاقوں میں بھی موسم ہلکا سرد اور جنوبی علاقوں میں گرم ہے جبکہ آج بھی بلوچستان کے بیشتر اضلاع میں موسم خشک، جنوبی اضلاع میں گرم رہنے کا امکان ہے۔